Sagar Uztak familiak, auzotarrak eta bisitariak bilduko ditu larunbat honetan, urriaren 3an, goizez, Katxola baserriaren eta Miramongo sagastiaren inguruan, Aieteko tradiziorik errotuenetako bat berreskuratuz.
Ekimena Lantxabek, Cristina Enea Fundazioak, Fruitondoan programaren bidez, eta Donostiako Udaleko Parke eta Lorategien Sailak antolatu dute.
Jardunaldia 10:30ean hasiko da, baserriaren eta aurreikusitako jardueren aurkezpenarekin. 11:00etan, parte-hartzaileak Miramongo sagastira joango dira; han, Lantxabek sustatutako Rosario proiektuaren barruan landatutako 253 sagarrondo daude.
Sagar bilketa auzolanean egingo da: zuhaitzak indar egokiz astindu eta lurrera eroritako fruitu helduak jasoko dira. Haurrek eta helduek elkarrekin partekatuko dute, belaunaldiz belaunaldi Aieteko baserrietako eguneroko bizimoduari lotuta egon den lana.
Ondoren, sagarrak txikitu eta prentsatuko dira, tolare eramangarri baten bidez, muztio egin berria lortzeko.
Ezeiza ahizpen trikitixaren doinuek girotuko dute ondorengo mokadutxoa: gazta eta urdaiazpiko montaditoak eta egin berriko muztioa izango dira.
Sagar Uztak sagardoa egiteko prozesu tradizionala modu erraz eta parte-hartzailean ezagutzeko aukera eskaintzen du, eta, aldi berean, Katxolak eta Miramongo sagarrondoek osatzen duten natura- eta kultura-ondarea balioan jartzen du.
Aieteko, Donostiako eta beste leku batzuetako herritarrak parte hartzera gonbidatuta daude.
“Aurreko Sagar Uztak”