Archivo de la categoría: Euskera

La Cumbreri buruzko bilera Aieteko kultur etxean

Bilera Aieteko kultur etxean

Jatorrizko ideia batzarra La Cumbren bertan egitea izan zen, baina bertako egungo biztanleek ez zuten beharrezko baimenik eman.

Aieteko jauregia, jarraitu nahi dugun adibidearen aitzindaria, anfitrioi bikaina izan zen.

La Cumbren, 1983ko urrian, Joxi Lasa eta Josean Zabala txikitu egin zituzten; ondoren, Busoten (Alacant), tirokatu, hobi batera bota eta kare bizian lurperatu zituzten.

Gaur, EH Bilduk eta Espainiako Gobernuak sinatutako akordioa dugu, Memoria Demokratikoaren Legearen esparruan, zeinaren bidez La Cumbre Donostiari ematen zaion, «memoria demokratikoa berreskuratu, babestu eta zabaltzearekin bat datozen jardueretarako».

Auzo batzarrak 60 pertsona baino gehiago deitu zituen; ostiralean, hilaren 7an, egin zen Aieten, lorategiak berehala irekitzea eta leku bikain horren berroneratze etiko eta publikoa eskatu zuen.

La Cumbre oso ezaguna ez den hiriko txoko bat da, Kontxako badiako balkoi ikusgarri batera —«marko paregabera»— irekitzen dena. Hiriko landetxerik zaharrena da, estilo neoeuskalduneko lehen hiribilduetatik bizirik dirauena, 17.600 metro koadroko lorategia du, 2003az geroztik Interes Kulturaleko Ondasun gisa izendatua eta EHOBPBak babestua; Kanboko (Lapurdi) Arnaga Etxea gogorarazten digun ale bakarra da.

La Cumbrek Kanboko Arnaga Etxea gogorarazten du (Lapurdi)

Bildutakoen artean, espezialitate profesional desberdinetako bizilagunak zeuden, hala nola, lorategi horien birsorkuntza oso garestia izango ez zela uste zuen baso ingeniari bat.

Lorategiak berehala irekitzea

Eremua horma garaiez eta landaretza trinkoz inguratuta dago, eta Baenako Dukea kalea, Aiete pasealekua, Aldapeta eta Fe pasealekua ditu inguruan.

Bertaratutako pertsona askok La Cumbrek iraganean kale horietan izan zituen sarrerez berriro gozatzea proposatu zuten.

Gaur egun, udala, Gipuzkoako Foru Aldundia eta Eusko Jaurlaritza akordio batera iritsi dira La Cumbreko birgaitze kostuak kargatzeko.

Badakigu alkatea buru duen udaleko ordezkaritza batek, bi bisita zabal egin ondoren, ekipamenduaren egoerari buruzko txosten bat egin duela, estatuko agintariei bidali dietela eta Donostiako Udalari La Cumbre formalki lagatzeko zain daudela.

Lagapen formalaren ondoren, lorategien erabilera publikora egokitzeko eta eremua kudeatzeko hainbat fase diseinatuko dira.

Bildutako pertsonek Jarraipen Batzorde bat aukeratu zuten, Espainiako Gobernuaren txosten teknikoa eta sinadura ezagutzeko eta lorategien erabilera publikorako egokitzapenean udal adituekin parte hartzeko. Lantxabek deitutako bilera bizi eta sortzailea izan zen, eta Donostiako Memoria Historikoaren Gizarte Kontseiluko zenbait kidek parte hartu zuten, horietako bi buru zirela.

Félix Pérez (Lantxabe)

La Cumbreko lorategiak donostiarrei zabaltzearen inguruko bilera egingo dute ostiralean

La Cumbre Jauregia Aieteko

La Cumbreko lorategiak herritarrei zabaltzearen inguruko bilera egingo dute ostiralean Aiete Kultur Etxean, 18:00etan. Lantxabe auzo elkarteak antolatu du bilera, eta herritarrak eta gaiaren inguruko interesa duten talde edo erakundeak gonbidatu dituzte.

Lantxabek ohar baten bidez gogorarazi duenez, 2022ko ekainean, Espainiako Gobernua eta EH Bildu akordio batera iritsi ziren Memoria Demokratikoaren Lege proiektuaren inguruan. Bertan, La Cumbreren jauregia eta bere lurrak Donostiako Udalari lagatzea jasotzen zen. Lortutako akordioak Ezkabako gotorlekua Nafarroako Gobernuari lagatzea ere jasotzen zuen.

Hiribilduak eta lorategiak ahalik eta babes maila handiena dute, Artzain Onaren katedralak, udaletxeak, Katxola baserriak, Miramar jauregiak eta parkeak, Nautikoak edo Haizearen Orraziak duten babes maila bera, Donostian eraikitako Hirigintza Ondarea Babesteko Plan Berezian jasotakoak. “Hiribildu inguruko lorategiek 17.600 metro karratu dituzte; finkak hainbat eraikin ditu: sotoa duen etxe nagusia, bi solairu eta ganbara, ondoko pabiloi bat sotoarekin, beheko solairua eta teilatua, lorezainarentzako etxe bat ukuiluarekin eta kotxetegiarekin… baita igerilekua, bi iturri natural eta lorategiak ere”, zehaztu du Lantxabek.

Gaur egun, gobernuaren Gipuzkoako ordezkariordeak erabiltzen du, eta auzo elkartearen eta hiritar askoren asmoa da espazio hori berreskuratzea, lorategia bereziki. Udaleko talde politikoen artean zenbait zalantza eta eztabaida izan ondoren, joan den uztailean udalak formalki eskatu zuen La Cumbre lagatzea. “Eneko Goia alkateak honako mezu hau bidali zion Espainiako Gobernuak Euskal Autonomia Erkidegoan duen ordezkariari: ‘Honek balio dezala Espainiako Gobernuari ofizialki eskatzeko bete dezala La Cumbre Bileraren Jauregia Donostiari lagatzeko erabakia. Administrazio horrek, lagapen hori gerta dadin, udal honi eman beharreko pausoen berri emateko eskatuko genuke”, azaldu du auzo elkarteak, eta ordezkariak honakoa erantzun zuen, auzo elkartearen arabera: “Egiten didan eskaera Memoria Demokratikoaren Estatu Idazkaritzari helarazten diot, hitzarmena egiteko oporraldiaren ondoren”.

Ordea, momentuz Espainiako Gobernuarena izaten jarraitzen du La Cumbrek, eta arazoa konpontzera bultzatzeko eta La Cumbre Bilerako lorategiak ahalik eta lasterren ireki ahal izateko antolatu dute ostiraleko bilera.

Sara Ibarguren

2024/06/05

Gazteak eta gu

Y, por cierto, esta realidad la hemos creado nosotros, no los jóvenes de hoy en día.

Gaur, lanetik atera, semea etxean utzi eta kafe bat hartzera joan naiz auzoko taberna batera.

Gauza da, nire ondoko mahaian, gure adin bertsuko bi lagun hizketan ari zirela eta, hala nahi izan gabe, noski, entzun egin diedala. Gaur egungo gazteei buruz ari ziren, gure gazteei buruz.

Dirudienez, gaur egungo gazte horien artean ez omen dago lana gogor egiteko prest dagoenik, fundamentuz eta gogoz arituko den bat aurkitzea ia-ia ezinezko bihurtu omen da.

Azkenaldian etengabe entzuten dudan elkarrizketa da eta nekatu naiz.

Begira, gure gurasoek guk baino bizitza gogorragoa izan zutela ez dut zalantzarik egiten. Baina gogorragoa bezain sinpleagoa zen. Bazekiten, salbuespenak salbuespen, aukera okerregirik egin ez eta, ikasi edo fabrika batean aprendiz sartuz gero, bizitza proiektu bat eraiki ahal izango zutela.

Dena delakoa ikasi eta ez dakit zenbat master egin ondoren, inork ezin die ziurtatu, gure gazteei, «mileurista» izatera iritsiko direnik ere

Eta guk ere bai. Gehixeago kostatu zaigu, baina salbuespenak salbuespen, lana fundamentuz eginez gero etxe bat erosi eta, nahi izan duenak, familia bat hazteko aukera ere izan dugu.

Eta gaur? Ba, gaur ez. Dena delakoa ikasi eta ez dakit zenbat master egin ondoren, inork ezin die ziurtatu, gure gazteei, «mileurista» izatera iritsiko direnik ere. Eta Donostian, 5000 eurotik gora balio du metro koadroak. Zer bizitza proiektu eraiki daiteke horrela? Nola pentsa dezake egoera horretan dagoenak, ahal duen bitartean, bizitzaz gozatzetik haratago?

Iruditzen zait batzuetan errazegi hitz egiten dugula.

Eta, portzierto, errealitate hau geuk sortu dugu, ez gaur egungo gazteek.

Manex Mujika Amunarriz

2024/05/03

Los jóvenes y nosotros

Hoy salí del trabajo, dejé a mi hijo en casa y me fui a tomar un café a un bar del barrio.

La cosa es que, en la mesa de mi lado, dos amigos de la misma edad que nosotros hablaban y, sin querer, claro, les he oído. Hablaban de los jóvenes de hoy en día, de nuestros jóvenes.

Parece que entre estos jóvenes de hoy en día no hay quien esté dispuesto a trabajar duro, se ha hecho casi imposible encontrar uno que se dedique con fundamento y ganas.

Es una conversación que escucho constantemente últimamente y me he cansado.

Mira, no dudo que nuestros padres tuvieron una vida más dura que nosotros. Pero era tan simple como duro. Sabían que, salvo excepciones, podrían no hacer una opción equivocada y, si estudiaban o entraban de aprendiz en una fábrica, construir un proyecto de vida.

Después de estudiar lo que sea y hacer no sé cuántos másteres, nadie puede asegurar a nuestros jóvenes que van a llegar a ser «mileuristas»

Y nosotros también. «Nos ha costado un poco más, pero salvo excepciones, si hacemos el trabajo con fundamento también hemos podido comprar una casa y, quien ha querido, criar una familia».

¿Y hoy? Pues hoy no. Después de estudiar lo que sea y hacer no sé cuántos másteres, nadie puede asegurar a nuestros jóvenes que lleguen a ser «mileuristas». Y en San Sebastián, el metro cuadrado cuesta más de 5000 euros. ¿Qué proyecto de vida se puede construir así? ¿Cómo puede pensar el que está en esa situación, mientras puede, más allá de disfrutar de la vida?

Me parece que a veces hablamos con demasiada facilidad.

Y, por cierto, esta realidad la hemos creado nosotros, no los jóvenes de hoy en día.

Gazteak eta bidaiak

Gauzak ondo, hitz hauek irakurtzen ari zaren bitartean garagardo bat edaten arituko naiz, hiru lagunekin,Wurzburgeko Udaberriko Ferian.

Badakit ez dela Municheko Oktoberfesta, baina saltxitxak txukrutarekin jan eta litroko pitxar batekin gozatzeko ez dago milaka pertsonaz inguratuta egon beharrik.

Agian, batek baino gehiagok pentsatu duzue gustura egongo zinateketela nire lekuan. Kontua da, detaile txiki bat aipatzea ahaztu dudala nahita, eta litroko pitxerrak eta hiru lagun eta lankiderekin batera, 17-18 urteko 60 ikasle ere ekarri ditudala.

Ziur aski, nire ingurukoek ikasbidaira noala esaten diedanean bezala, muturra pixka bat okertu duzu orain. Eta pentsatu dituzu horrelako batzuk: «A zer meritua duzuen», «nik ez dakit joango nintzatekeen», edo «a zer ardura, ez?».

Bada, begira, irakasle izateko tonto puntu bat eduki behar dela uste izanda ere, tonto-tontoak ere ez gara, eta lanera eta arduraz etorri arren, ondo pasatzeko asmoa ekarri dugu; ikasleek, noski, eta guk ere bai.

Eta gozatzeko asmoz etorri gara, inguruko askok diotenaren aldean, ziur gaudelako gure gazteek badakitela tokatzen denean egoten, bai, bizitzari aurre nola egin ikasten ari diren honetan, zentzuz jokatzeko gai direla, eta, ez direnean, esaten dieguna entzun egiten dutela.

Bai, konfiantza horrekin etorri gara, eta badakigu, bederatzi egun hauetan, matematikaz ez, baina beste mila gauzataz hitz egiteko aukera izango dugula.

Prost!

Manex Mujika Amunarriz

12/04/2014

Egiptoren inguruko literatura eta zinema zikloa antolatu dute Aieten

Aieteko Bakearen eta Giza Eskubideen Etxearen azpian dago kultur etxea. (Argazkia: Inaxio Esnaola)

Hilaren 9an, zine forum saioa izango da, eta Youssef Chain zuzendariaren Cairo Station filma emango dute. Pelikula aurkezteko Josemi Beltran izango da Aieten, Donostia Kulturako zinema unitateko eta Fantasiazko eta Beldurrezko Zinemaren Astearen arduraduna. Filma 18:00etan hasiko da.

Hitzaldi zikloa

Azkenik, zikloari amaiera emateko, martxoaren 7an Antonio Dupla historialariak eta EHUko irakasleak Honatago faraoiak eta erreginak: El Egipto romano hitzaldia eskainiko du.

Sara Ibarguren

2024/02/05