Archivo de la categoría: Sin categoría

Morlansko tuneleko bidegorria irekiko dute

Morlansko tuneleko bidegorriaren itxieraren berri ematen duen kartela. (Argazkia: Irutxuloko Hitza)
Morlans eta Lugaritzeko geltokia elkartzen dituen tuneleko bidegorriaren irekiera ostegun honetarako dago aurreikusita, Pilar Arana, Mugikortasun zinegotziak azaldu duenez. Tuneleko bidegorria milaka bizikletarik erabili duten bidea da, eta itxita dago pasa den urteko ekainetik, Morlans eta Aiete elkartuko dituen igogailuaren lanen ondorioz.
Hasiera batean, bidegorriaren itxiera bederatzi hilabetekoa izango zela aurreikusten zen, baina, irekiera data behin baino gehiagotan atzeratu dute. Arana Mugikortasun zinegotziak gogoratu duenez, Morlans eta Aiete lotuko dituen igogailuaren lanen ondorioz sortutako hainbat ezustekok eragin dituzte atzerapenak, esaterako, mendiaren magalaren egonkortze lanek. Beste arrazoietako bat, bizikletarien segurtasuna izan da, eta hori bermatzeko, 28 metroko murrua eraiki dute, igogailua eraikiko den ezponda egonkortzeko helburuarekin eta magaletik objekturik ez erortzeko.
Morlansko tunelaren bidegorriaren lanak, Morlans eta Aiete elkartuko dituen igogailuaren proiektuarekin lotuta daude. Proiektuak Aieteko bizilagunek urtetan aldarrikatu duten eskaeraren erantzuna dira, Aieteko bizikletariek erdialdera duten irisgarritasuna hobetzea, hain zuzen. Igogailuaren proiektuak, bi fase ditu, eta horietako bat, Aiete pasealekuko zubia Pio Barojarekin lotzen duen igogailuarena, bukatuta dago. Bigarren faseak, Morlansko errotonda eta Melodi elkartuko dituen igogailu inklinatuak osatzen du. Honen inaugurazioa azaroaren 9rako aurreikusita dagoela azaldu du Aranak. Igogailuak 1.875 kiloko ahalmena izango du, eta 25 pertsona garraiatu ahalko ditu ibilbide bakoitzean. Horrez gain, Aieten bidegorria eraikitzeko proiektuaren onarpena hilabete honetarako aurreikusten du auzo elkarteak.
Irati Salsamendi

Ciclistas en Katxola; bidegorri en «stand by»

Cuando está a punto de iniciarse el Tour, una pequeña avanzadilla de cuatro ciclistas vemos como se acercan a Katxola. Tres iban por delante y detrás lo que parecía era el fotógrafo del grupo. Este siguió pedaleando hasta que se reunió con los otros, y llegaron juntos la meta, el caserío. Habían recorrido en bicicleta todo el Bosque por los senderos asfaltados de la cota 85, habilitado también para txirrindularis.
Entre otras cosas que nos trae esta visita, está el valor simbólico que hace referencia a las obras del bidegorri de Aiete que se están retrasando demasiado.
Mucha gente del barrio se está quedando clavada por el desajuste del gobierno entre lo que se comprometen y lo que hacen. Hay que levantarse y seguir a rueda, como estos compañeros, para que no castiguen al barrio con el desfase días, de meses, de trimestres, de años? (la frialdad impasible de la burocracia).
La gloria de un barrio se la llevan siempre los hechos, no las promesas.
Pero, respecto al bidegorri, no perdamos la esperanza

Pio Baroja eta Aiete elkartzen dituen igogailua martxan dago

SONY DSC

Aieteko igogailu bertikala martxan da dagoeneko. Funtzionamendu frogak egin zituzten atzo eta dena ondo dabilela baieztatu ondoren, erabilgarri dago Pio Baroja eta Aieteko pasealekua lotzen dituen igogailua.
Aiete eta Morlans elkartuko dituen igogailuaren proiektuak bi zati ditu. Lehenengo zatia Morlanseko biribilgunetik Melodiko biribilgunera joango den igogailu inklinatuak osatzen du; bigarrena, atzo ireki zen igogailu bertikalak. Ireki berri den igogailua, anbulatorioa eraikiko den lursailaren pareraino iristen da.
Pilar Arana Mugikortasun eta Garraio zinegotziak maiatzean azaldu zuenez, Morlans eta Melodi elkartzen dituen igogailua azaroan egongo da prest, aurreikusitakoa baina hainbat hilabete beranduago. Atzerapena, lanak hasi ondoren agertu diren hainbat ezustekoren ondorio dela azaldu zuen, esaterako, aurreikusita ez zeuden lursailaren ezegonkortasunak eragindako arazoak.
Era berean, Morlans Lugaritzeko geltokiarekin elkartzen duen tuneleko bidegorriak itxita jarraitzen du. Mugikortasun eta Garraio zinegotziak adierazitakoaren arabera, “dena ondo badoa, uztailean izango da irekiera”.

Katxola baserriaren bueltan jaia egingo dute larunbatean

Larunbaterako egun osoko jaia prestatu du Aieteko Lantxabe auzo elkarteak. Bisita gidatua egingo du goizeko lehen orduan, 9:30ean, Miramongo basoan barrena. Hango landareriaren berri emango diete bisitariei Juanpe Sansineseak eta Jose Luis Samsok.
Katxola baserrian jaia egingo dute ondoren, 12:00etan hasita. Trikitilariek egingo diete ongietorria ibiltariei. Horrela, musikaz girotutako gunean, apirilean botiletan sartutako sagardoa dastatzeko aukera egongo da. Aieteko bizilagunek eta inguruko lagunek egin dute sagardoa egiteko prozesu guztia. Irailean, Aieteko jaietan, sagarrak jaso zituzten; Munto-Katxolako dolarean txikitu zituzten urrian; eta Miguel Gallastegi pilotari ohiarekin dastatu zuten apirilean, txotxetik.
Larunbatean, sagardoa edateaz gain, aukera egongo da hamaiketako ederraz gozatzeko, tortillekin eta bestelako jakiekin. Gainera, tokan aritzeko aukera egongo da, baita sokatiran ere.