Ø      Hori guztia dela eta,  Hezkuntzako lurralde ordezkaritza honek erabaki du datorren irailean zonalde horretan Haur eta Lehen Hezkuntzako ikastetxe bat  irekitzea datorren 2006-2007 ikasturterako. Ikastetxe berri horren ezaugarriak honako hauek izango lirateke:
·         2 eta 3 urteko ikasleentzat izaten hasiko litzateke, hau da, 2003 eta 2004 urteetan jaio eta Lehen Hezkuntza bukatu arte jarraituko luketenentzat.
·         Azkaratenea eraikinean kokatuko litzateke, Puio kalean, 5ean. Duela zenbait urte, eraikin horrek eskola eraikin gisa jardun zuen eta bere garaian itxi egin zen, ikasle nahikoak ez zituelako.  Eraikin horretan egingo ditu Hezkuntzako lurralde ordezkaritza honek ikastetxe berria jardunean jartzeko beharrezkoak diren egokitzapen obrak.
·         Jantoki zerbitzua izango du, eskatzen duten gurasoentzat. Era berean, Hezkuntza Sailak zerbitzua jartzeko ezarrita dauzkan baldintzak betetzen dituzten ikasleek garraio zerbitzua izango dute.
·         D eredukoa izango da ikastetxea, eredu horren aldeko eskari gero eta handiagoari erantzuna eman ahal izateko.
·         Datorren ikasturtean,  Haur Hezkuntzan eskarmentua duten irakasleak izango dituzte. Irakasle horiek, ilusio handiz eta ikastetxe horren aldeko aukera egiten duten familiekin elkarlanean, eraikiz joango dira hezkuntza proiektu berri bat, osatuz joango den hezkuntza komunitatearentzat berezia eta ilusio piztailea izango dena.